150. Urteurrena

150. URTEURRENERAKO ESLOGANA

Uribarren Abaroa Fundazioa irabazi asmorik gabeko erakundea da, 1869. urtean eratua. Sortu zenetik, Fundazioaren lana beharra dutenak edota gaixoak zaintzea izan da, hasiera batean ospitalea (Abaroa ospitalea) eta babes-etxea (San Joseko Uribarren umezurztegia) baitzen.

Denboraren poderioz, gizartearen behar eta eskaeretara moldatzen joan zen, eta 1978an Egoitza bihurtu zen, mendekotasun arriskuan dauden hirugarren adineko pertsonei arreta emateko; 2007. urtean, Eguneko zentroa jarri zen martxan.

Datorren urtean, 2019an, gure 150. urteurrena ospatuko dugu, eta, horregatik, iragarri nahi dugu, aldez aurretik, gure Fundazioaren espiritua eta balioak barne hartzen dituen ESLOGAN bat aurkitzeko lehiaketa, ospakizun hori dela medio, datorren urtean garatuko ditugun jarduera ezberdinetarako.

• GAIA: Uribarren Abaroa Fundazioaren espiritua eta balioak.
• HIZKUNTZA: euskara.
• ADOSTUTAKO EPEA: 2018ko abenduaren 21era arte.
• EPAIMAHAIAREN ERABAKIA: 2019ko otsaileko lehen astea.
• AURKEZTEKO MODUA: aurkezpena e-mail bitartez (administracion@uribarren.es) egingo da, ondorengo datuak erantsiz: izena, abizenak, telefonoa eta harremanetarako posta elektronikoa.

I. pintura LEHIAKETA

URIBARREN ABAROA FUNDAZIOA

(2019ko maiatzaren 11, larunbata)

Kategoria: Pintura lehiaketa

Antolatzailea: Lekeitioko Uribarren Abaroa Fundazioa

Gaia: Uribarren Abaroa Fundazioaren (egoitza, eguneko zentroa, zoo txikia eta lorategi botanikoa) 150. urteurrena

Saria: Kategoriaren arabera

Lanak aurkezteko epea: 2019/01/02tik 2019/04/30era

Lekua: Uribarren Abaroa Fundazioa, Lekeitio

Lanen erakusketa, epaimahaiaren erabakia eta sari-banaketa: 2019ko maiatzaren 11

 

Oinarriak

1.- Edozein pertsona fisikok hartu dezake parte lehiaketa honetan, nazionalitatea edozein dela ere.

2.- Parte-hartzaile bakoitzak obra original eta argitaratu gabe bakarra aurkeztu dezake, aurrez inolako saririk jaso gabekoa, eta argitalpenari dagokion konpromisorik ez duena. Gaia Uribarren Abaroa Fundazioaren (egoitza, eguneko zentroa, zoo txikia eta lorategi botanikoa) 150. urteurrenarekin lotuta egongo da.

3.- Kategoria eta sari hauek ezarri dira:

• a. Eskola-maila (8tik 16 urtera). 1.saria: TABLETA bat. 2. saria: eBOOK bat. 3. saria: pintura materiala.
• b. Uribarren Abaroa Fundazioko erabiltzaileak. Saria: material artistikoa.
• c. Publiko orokorra  1. saria: 600 €   2. saria: 300 €   3. saria: 150 €

4.- Erabiliko den teknika piktorikoa aukerakoa izango da, eta nahi den prozedura, teknika edo materiala erabili ahal izango da, material galkorrak edo erakusteko egokiak ez direnak izan ezik. Ez dira onartuko teknika digitalekin egindako lanak, eta teknika mistoa erabiliz gero, adierazi egin beharko da zein material erabili den.

5.- 3. kategorian (publiko orokorra), obrak euskarri honetan aurkeztu behar dira: mihisea bastidore gainean. Gainerako kategorietan, edozein euskarri erabil daiteke.

6.- 3. kategorian (publiko orokorra), obrak gutxienez 73 x 60 cm (20F) izan behar dute, eta gehienez 130 x 97 cm (60F). Gainerako kategorietan, edozein neurri izan dezakete.

7.- Obrak lekura bertara eraman daitezke, edo posta arruntez edo mezularitza bidez bidali. Atzealdean sinatu behar dira. Gutun-azal bat ere helarazi beharko da, eta datu hauen berri eman beharko da: izen-abizenak, NAN (adinez nagusi izanez gero), telefonoa, helbidea, e-maila eta lanaren izena.

8.- Lanak aurkezteko epea 2019ko urtarrilaren 2tik 2019ko apirilaren 30era izango da. Astelehenetik ostiralera, 10:00etatik 19:00etara, helbide honetan:

Uribarren Abaroa Fundazioa. Iñigo Artieta etorbidea 2. 48280 Lekeitio, Bizkaia.

Telefonoa: 687.939.939

Helbide elektronikoa: esarboa@yahoo.es

9.- Hauek izango dira epaimahaikideak: Mertxe Arrizubieta (Lekeitioko Udaleko kultura zinegotzia), Esther Arrieta (Arte Ederretan lizentziaduna) eta Lekeitoko “Arragua” kultur elkarteko kide bat.

10.- Epai ofiziala 2019ko maiatzaren 11n emango da.

11.- Sariak esleitu gabe gera daitezke, epaimahaiak hala erabakiz gero.

12.- Lan sarituak Uribarren Abaroa Fundazioaren jabetzakoak izango dira. Fundazioak horiek edozein hedabide edo argitalpenetan erreproduzitzeko, argitaratzeko eta erakusteko eskubidea gordetzen du, denbora eta leku mugarik gabe, betiere, lanaren egilea aipatuta.

13.- Sariak eman ondoren, hautatu ez diren lanak jaso ahal izango dituzte egileek edo haiek ordezkatzen dituzten pertsona fisikoek, hilabeteko epean, saria ematen denetik hasita. Epe hori amaitu ondoren, Uribarren Abaroa Fundazioak gorde edo/eta suntsitu egingo ditu.

14.- Lehiaketan parte hartzeak oinarri hauek eta epaimahaiaren irizpidea onartzea dakar. Epaimahaia burujabea izango da oinarri hauetan aurreikusi gabeko edozein ezusteko ebazteko, eta hartutako erabakiak apelaezinak izango dira.

15.- Uribarren Abaroa Fundazioak bermatzen du emandako datuak egoki erabiliko dituela, Izaera Pertsonaleko Datuak Babesteari buruzko 15/1999 Lege Organikoak ezarritakoaren arabera.