Proiektu sozialak

2016an, Fundazioak lokal bat eraiki zuen, eta doan uzten dio boluntarioen erakunde honi, familia behartsuei elikagaiak banatzeko elkartasunezko lanean jarrai dezaten.

2013. urteaz geroztik, Fundazioak doako fisioterapia-saioak eskaintzen ditu hala nahi duten pertsonentzat, adina zein den kontuan hartu gabe. Paziente bakoitzaren beharretara egokitzen dira tratamenduak (masajeak, magnetoterapia, ultrasoinuak, infragorriak…). 2017ra bitartean, 3.500 tratamendutik gora egin dira.

Gure egoiliarrek zein herritarrek bizi-ohitura osasungarriak har ditzaten bultzatzeko asmoz, Lea-Artibai eskualdeko era honetako lehen parkea sortzea sustatu da; titulartasun pribatukoa bada ere, erabilera publikokoa da.

10.000 m2-ko lursaila doan uzten diogu Lekeitioko Udalari, disuasio-aparkaleku moduan erabil dezaten bai herritarrek zein bisitariek.